ஸ்மார்ட் சிட்டி திட்டத்திற்காக ஒதுக்கீடு செய்யப்பட்ட 9 ஆயிரத்து 860 கோடி ரூபாயில் வெறும் ஏழு சதவீதம் மட்டுமே செலவிடப்பட்டுள்ளதாக காங்கிஸ் தலைவர் ராகுல் காந்தி குற்றம்சாட்டியுள்ளார்.

இது தொடர்பாக ட்விட்டர் பக்கத்தில் கருத்து தெரிவித்துள்ள காங்கிரஸ் தலைவர் ராகுல் காந்தி, ஸ்மார்ட் சிட்டி திட்டத்திற்காக 9 ஆயிரத்து 860 கோடி ஒதுக்கீடு செய்யப்பட்டுள்ள நிலையில் அதில் வெறும் 7 சதவீதத் தொகை மட்டுமே பயன்படுத்தப்பட்டுள்ளது என்று குறிப்பிட்டுள்ளார். சீனா நம்மை முந்திச் சென்று கொண்டிருப்பதாகக் கூறியுள்ள ராகுல், பிரதமர் மோடி வெற்று வார்த்தைகளை சொல்லிக் கொண்டிருப்பதாகவும் குற்றம்சாட்டியுள்ளார். நாட்டின் அஸ்திவாரமான அரசியல் சாசனமே அச்சுறுத்தலுக்குள்ளாகி இருப்பதாகவும் ராகுல் காந்தி கவலை தெரிவித்துள்ளார்.